Obradoiros presenciais en NORMAL:
2025/26
A matrícula estará aberta do 13 ao 24 de outubro de 2025.
Obradoiros presenciais no Centro Cultural Universitario do Campus de Esteiro (Ferrol):
Información sobre a matrícula:
O prazo de matrícula abrirá o luns 13 de outubro e rematará o venres 24 de outubro de 2025. A matrícula farase en liña.
As persoas que sexan novas usuarias terán que facer o proceso de rexistro, para o que terán que premer en “comunidade universitaria”, para os membros dos diferentes colectivos da UDC, ou en “persoas externas”, para o público xeral. O colectivo “persoas externas” deberá introducir os seus datos se ten unha conta xa creada. De non tela, é preciso premer en “crear unha nova conta” e encher o formulario que aparecerá, finalizando o proceso de rexistro premendo en “rexistrar”. Logo do proceso de rexistro, recibirán no seu enderezo electrónico os datos necesarios para se matricularen.
A Área de Cultura resérvase o dereito de suspender algún curso se a ocupación mínima non chegase a sete persoas.
O alumnado da UDC terá dereito ao recoñecemento de créditos, segundo establece a normativa de aplicación (Resolución Reitoral 23/11/2023)
Importante:
Os prezos nos colectivos de persoas desempregadas ou con discapacidade, así como para o público xeral, inclúen seguro de accidentes.
As persoas desempregadas ou que tiveren acreditada discapacidade igual ou superior ao 33% deberán enviar ao correo electrónico normal@udc.es (ou no seu caso ao correo cultura.ferrol@udc.es), previamente á súa matriculación, a documentación que acredite a súa situación. Unha vez recibida e validada daránselles as instrucións necesarias para formalizar a matrícula.
Para resolver calquera dúbida ou incidencia, deberase comunicar a mesma ao correo normal@udc.gal ou a través dos teléfonos 881014502 en quenda de mañá ou 881014511 en quenda de tarde para os obradoiros de NORMAL. Para os ofertados en Ferrol o correo é cultura.ferrol@udc.gal e o teléfono 881013697, en quenda de mañá.