Obradoiro de 35 horas
Horario: martes de 19:00 a 21:00
Aula de Música. Proxecto Coral.
Proxecto coral aberto a toda a comunidade universitaria e ao público xeral, co obxectivo de crear un espazo formativo e comunitario para o perfeccionamento vocal colectivo. A través dun repertorio variado e ensaios semanais, fomentarase a técnica vocal, a expresión artística e a participación na vida cultural da Universidade da Coruña.
✴︎ Docente
Daniel García Artés
Director musical de diversos coros na cidade e arredores. É director do Coro Novo da Orquestra Sinfónica de Galicia onde dirixiu numerosos e multitudinarios concertos. Ademais é director e fundador do Acorde Secreto, grupo vocal alternativo caracterizado polo seu repertorio rompedor e diferente. Profesor de piano moderno, técnica vocal, Solfexo e Coro Góspel en Rock School Coruña.
Arreglista experimentado en calquera estilo, foi responsable de arranxar famosas obras de Disney así como do artista Xoel López para a Orquestra Sinfónica de Galicia, participando ademais nos concertos como pianista e director do coro. Compositor desde os 16 anos, nesta faceta foi recoñecido con diversos premios, especialmente no mundo da música vocal. Ademais, foi responsable de diversas bandas sonoras para curtos, teatro, documentais e videoxogos.