Exposicións

Este percorrido pola memoria colonial coruñesa, dirixido por Zinthia Álvarez Palomino e Cristina Botana Iglesias convida a recoñecer as pegadas que o tráfico transatlántico de persoas escravizadas deixou na arquitectura, na economía e no imaxinario urbano, ao tempo que interpela sobre como estas herdanzas continúan condicionando o presente..

SOBRE TODO é un proxecto artístico que toma como protagonista o espazo aéreo para configurar unha reflexión política e poética sobre como este lugar está en proceso de converterse en territorio, e como este acto de territorialización pode ilustrar problemáticas actuais relacionadas co Capitaloceno e as súas catástrofes ancestrais (aquelas que son simultaneamente pasado e presente).

O 17 de outubro ás 19.30 h, inauguramos a exposición FÍO DO NORTE, comisariada por Juan Luis Toboso en diálogo con Filipa Ramos. Esta exposición reúne diversas visións que exploran a linguaxe do territorio denominado noroeste ibérico, a súa sensorialidade, o animismo da paisaxe e as múltiples mitoloxías individuais e colectivas. Na inauguración, Carme López ofrecerá unha intervención sonora en directo.