Obradoiro de 18 horas
Horario: martes de 16:00 a 18:30
Laboratorio de performance e xénero:
Laboratorio de prácticas performativas e investigación teórica que entrelaza os estudos de perfomance coa lingüística e os estudos de xénero.
Neste laboratorio desenvolveráse unha investigación práctica arredor do corpo e a linguaxe como ferramentas performativas e unha perspectiva crítica sobre a súa semántica social dende un ángulo transfeminista. Despois da experimentación co corpo, con obxectos e con textos e da análise de conceptos chave nos estudos de performance e de xénero, crearáse unha peza artística individual e/ou colectiva coas participantes.
OBXECTIVOS E COÑECEMENTOS:
Introdución aos estudos de performance e de xénero, análise do repertorio de performance feminista do século XX e XXI dende unha perspectiva decolonial, prácticas, debates e improvisacións. As habilidades que se perseguen son descubrir as potencialidades do noso corpo como creadoras, fomentar o espírito crítico e por en relación directa os movementos feministas coa creatividade individual, a esfera política coa esfera privada.
✴︎ Docentes
Helena Salgueiro
Docente:
Helena Salgueiro é directora escénica, poeta, dramaturga e activista galega. É directora artística da compañía Columna Balteira. Autora dos poemarios Amor Palimpsesta (2025, Premio de poesía Fiz Vergara Vilariño), SORA (con Masako Hattori, 2024), As Flores (2016, Premio de poesía Rosalía de Castro), Intermitencia da Cidade (2012, Premio de poesía Avelina Valladares), a obra de teatro Todas as illas son unha illa (2021) e tradutora de Beats de Kieran Hurley (2022). Os seus traballos escénicos foron amosados en Galiza, Portugal, España, Suecia, Reino Unido e Arabia, coproducidos polo Centro Dramático Galego, Festival Internacional de Teatro do Alentejo e comisionados polo Festival Contradança, o Dance Base (National Centre for Dance of Scotland) etc. Imparte conferencias e laboratorios en distintas universidades e museos (UDC, USC, CGAC, UNL, UCLM…) ademais de participar en diversas antoloxías de poesía galega e publicacións académicas arredor das artes performativas, a poesía e os estudos de xénero. O obxecto do seu traballo é a performatividade, o xénero, a linguaxe, a coreografía do corpus social, a arte de acción e o arquivo. Converxe a súa traxectoria artística coa militancia política en organizacións anarquistas e feministas galegas.