Ábrese o período de matrícula para os obradoiros do 2º cuadrimestre organizados pola Área de Cultura da UDC en A Coruña (NORMAL) e no campus de Ferrol (Centro Cultural do campus de Esteiro). Agardámoste!
Obradoiros presenciais en NORMAL
(A Coruña)
Escritura de Guión: Escribir dende dentro.
Curso de Iniciación ao guión. Docente: Ángela María Andrada Gómez.
Creación e producción musical: Obradoiro de Creación e Produción Musical UDC.
Docente: Alfredo Manuel García Sánchez.
Escrita creativa: Obradoiro de Escrita Creativa 2.
Docente: Rocío Otero González.
Fotografía: Diarios Visuais. Fotografía e Escritura para o rexistro do cotián.
Docente: Tamara Castrillejo Gutiérrez.
Obradoiro de Teatro: Obradoiro de Interpretación e Creación Escénica.
Docente: Sara Rey Seoane.
Obradoiro de Danza: Soma: Laboratorio cinestésico. Artes e Ciencias do Movemento.
Javier Fernández Martín.
Obradoiro de Actividade Musical colectiva: Brúxula ao Norte: Ensamble Musical Creativo.
Docente: Daniel García Artés.
Obradoiros presenciais en Ferrol
(Centro Cultural Universitario do Campus de Ferrol)
Danza contemporánea: O Discurso Corporal. Obradoiro de Movemento Consciente para a Creación Contemporánea.
Docente: Alicia López Méndez.
Fotografía: Fotografía Documental Contemporánea.
Docente: Bandia Ribeira Cendán.
Obradoiros de proposta libre
Obradoiros presenciais en NORMAL
(A Coruña)
Obradoiro de videoarte no cinenormativo.
Docente: Mario Gutiérrez Cru. (15h)
O libro como ferramenta creativa.
Docente: Ruth Montiel Arias. (15h)
Semiótica do deseño aplicado ao coiro.
Docente: Edita Rodríguez Roca. (15h)
Xestionar un festival nunha comunidade local: Da idea á práctica.
Docente: Alfonso García Pérez. (10h)
Lab Textile; sistemas de estampación natural
Docente: Pilar Marcó Padín (15 h)
Obradoiros presenciais en Ferrol
(Centro Cultural Universitario de Campus de Ferrol)
O libro como ferramenta creativa.
Docente: Ruth Montiel Arias.(15h)
Información sobre a matrícula
O prazo de matrícula abrirá o luns 27 de xaneiro e rematará o 10 de febreiro de 2025. A matrícula farase en liña.
As persoas que sexan novas usuarias terán que facer o proceso de rexistro, para o que terán que premer en “comunidade universitaria”, para os membros dos diferentes colectivos da UDC, ou en “persoas externas”, para o público xeral. O colectivo “persoas externas” deberá introducir os seus datos, se ten unha conta xa creada. De non tela, é preciso premer en “crear unha nova conta” e encher o formulario que aparecerá, finalizando o proceso de rexistro premendo en “rexistrar“. Logo do proceso de rexistro, recibirán no seu enderezo electrónico os datos necesarios para se matricularen.
A Área de Cultura resérvase o dereito de suspender algún curso se a ocupación mínima non chegase a cinco persoas.
O alumnado da UDC terá dereito ao recoñecemento de créditos, segundo a normativa de aplicación Resolución reitoral do 02/05/2023)
Importante
Os prezos nos colectivos de persoas desempregadas ou con discapacidade, así como para o público xeral, inclúen seguro de accidentes.
As persoas desempregadas ou que tiveren acreditada discapacidade igual ou superior ao 33% deberán enviar ao correo electrónico normal@udc.es (ou no seu caso ao correo cultura.ferrol@udc.es), previamente á súa matriculación, a documentación que acredite a súa situación. Unha vez recibida e validada daránselles as instrucións necesarias para formalizar a matrícula.
Para resolver calquera dúbida ou incidencia, deberase comunicar a mesma ao correo normal@udc.gal ou a través dos teléfonos 881014502 en quenda de mañá ou 881014511 en quenda de tarde para os obradoiros de NORMAL. Para os ofertados en Ferrol o correo é cultura.ferrol@udc.gal e o teléfono 881013697, en quenda de mañá.