O sábado día 22 de abril, en horario de 10 a 14.30 horas, poderase visitar a exposición e participar nas actividades complementarias programadas
10.30h
Vicente Blanco e Salvador Cidrás: Escola imaxinada
Escola imaxinada é colectivo independente que tenta achegar ás escolas diferentes metodoloxías baseadas nas artes e contribuír ao deseño de espazos e recursos educativos de calidade para a aula. Salvador Cidrás e Vicente Blanco presentan neste encontro a súa filosofía de traballo baseada nos procesos creativos, no cuestionamento de estereotipos e na educación estética, amosando as súas propostas desenvolvidas desde Derrotas: formas de pensar realizadas xunto a cativada de E. Infantil e primeiro ciclo de E. Primaria. Nelas inciden na idea de proceso favorecendo a creación dun imaxinario e estilo persoal, lonxe de respostas estereotipadas e convencionais, experimentando con diferentes materiais, técnicas e linguaxes artísticas.
12h
Derrotas: formas de pensar. Conversa con Natalia Poncela, comisaria da exposición.
12.30h
Matilde Seabra: A verza, ou verdura galega. Práticas educativas en torno da estranheza
Propoñemos esta conversa ao redor do estrañamento. No título, Matilde Seabra convoca a imaxe da berza (en portugués, couve galega) por considerala un elemento representativo da natureza e dos hortos do noroeste penínsular. Matilde Seabra é arquitecta e mediadora. Coordinadora do PING! Projeto Educativo e dos Programas Públicos da Galería Municipal do Porto (Portugal)
Publicado por: Cultura