Solicitude de entradas para o concerto da Orquestra Sinfónica de Galicia do 9 de maio de 2026

A Universidade da Coruña dispón, para o seu alumnado, de 120 entradas dobres de balde para o concerto da Orquestra Sinfónica de Galicia (OSG) do día 9 de maio de 2026.

Data: Sábado 9 de maio de 2026 ás 20:00 h

Lugar: Pazo da Ópera 

Para solicitar as invitacións haberá que facer a solicitude cubrindo o formulario ao que se accede no botón inferior o mércores 29 de abril de 2026 dende as 12:00 ás 14:00 horas.

Unha vez cuberto o número de persoas necesarias para o reparto e para elaborar unha listaxe de agarda, o formulario pechará e non admitirá máis inscricións.

Recollida

As persoas que teñan dereito as entradas recibirán un correo electrónico no que se lles confirmará que poden recollelas nos días, lugares e horarios que se lles indiquen. As persoas en listaxe de agarda recibirán un correo informativo só no caso de existir renuncias nas adxudicacións iniciais. As persoas que non reciban correo é porque non teñen dereito a entrada.

Condicións

Cada persoa poderá presentar unha solicitude e terá dereito a retirar ata dúas localidades.

A adxudicación estará suxeita á orde de solicitude das entradas dispoñibles.

Para a solicitude de entradas deberá acceder ó formulario co correo electrónico con dominio UDC que se facilita ó alumnado.

Só poderá acceder ás entradas o alumnado que estea matriculado no curso 2025/2026; quedan excluídas destas entregas todas as persoas que teñan unha relación contractual ou estatutaria coa UDC.

Só a persoa adxudicataria poderá retirar as invitacións, e para recollelas terá que presentar DNI ou pasaporte. Poderá retirar as entradas unha terceira persoa sempre e cando presente fotografía ou copia do DNI ou pasaporte da persoa que teña dereito a entradas.

As persoas que non comuniquen no enderezo cultura.coruna@udc.es, a renuncia ás entradas concedidas ou a imposibilidade de recollelas, non poderán participar nos futuros outorgamentos na presente temporada.