As rutas realizaranse os sábados 15 de marzo, 26 de abril, 10 de maio e 14 de xuño. A inscrición é gratuíta mediante formulario.
Sábado 15 de marzo de 2025
O comercio tradicional de Ferrol, pasado e presente
Neste percorrido polo barrio da Magdalena recordaremos moitos deses comercios que marcaron xeracións de ferrolás e ferroláns, algúns desaparecidos, pero outros aínda vivos e con boa saúde. O noso comercio local tamén é parte da nosa historia.
Data: 15 de marzo de 2025
Saída: 11:30 horas. Oficina de Correos da Praza de Galicia
Duración: 1 hora e 30 minutos (aproximadamente)
Prégase estar no punto de encontro 15 minutos antes da hora de saída.
Sábado 26 de abril de 2025
As vellas fábricas de Ferrol
Para esta visita centrámonos no barrio de Ferrol Vello, onde estiveron moitas desas fábricas que lle deron pulo á cidade entre os anos cincuenta e setenta. Historia recente que non se debería perder.
Data: 26 de abril de 2025
Saída: 11:30 horas. Oficina de Turismo do Porto de Ferrol
Duración: 1 hora e 30 minutos (aproximadamente)
Prégase estar no punto de encontro 15 minutos antes da hora de saída.
Sábado 10 de maio de 2025
Historia dos nosos estaleiros
Unha visita á planta superior do Museo da Construción Naval que nos vai permitir achegarnos á historia dos estaleiros civís e militares da ría de Ferrol, para coñecer a súa historia e vinculación co desenvolvemento de Ferrol e a comarca a que pertence.
Data: 10 de maio de 2025
Saída: 11:30 horas. Entrada do Museo da Construción Naval
Duración: 1 hora e 30 minutos (aproximadamente)
Prégase estar no punto de encontro 15 minutos antes da hora de saída.
Sábado 14 de xuño de 2025
Segredos de San Felipe
Unha visita moi especial en que faremos un percorrido moi completo polo castelo, por toda a fortificación e as exposicións permanentes para desvelar a súa historia e os seus segredos.
Data: 14 de xuño de 2025
Saída: 11:30 horas. Entrada do castelo de San Felipe
Duración: 1 hora e 30 minutos (aproximadamente)
Prégase estar no punto de encontro 15 minutos antes da hora de saída.
A inscrición é de balde, aínda que para participar haberá que encher, en cada caso, o formulario que se indica.O número de prazas é dun máximo de 25 persoas que se escollerán por orde de inscrición.
As persoas seleccionadas recibirán un correo electrónico de confirmación. As persoas inscritas que non reciban o dito correo quedarán nunha listaxe de reserva que se utilizará en caso de haber algunha renuncia.
Pode obterse máis información na oficina da Área de Cultura do Campus de Ferrol, no enderezo electrónico cultura.ferrol@udc.gal ou no teléfono 881 013 697.