Obradoiro de 15 horas
Neste curso ensínanse as posibilidades do cadernismo aplicadas ao debuxo urbano. É un curso tanto teórico como práctico, onde os alumnos poderán explorar e practicar a través de exercicios que se centran nos distintos aspectos fundamentais do debuxo: liña, mancha, composición, planos, etc. Co obxectivo de ter unha base técnica que permita o desenvolvemento dun estilo propio e aplicalo nos seus cadernos de viaxe ou de debuxo habituais.
Está dirixido tanto a persoas principiantes como a aquelas que xa teñen nocións de debuxo e desexan seguir progresando. Os asistentes deberán traer o seu material propio para as prácticas en clase.
✴︎ Docente
Daniel Carvajal Alonso
No 2010 comezo a estudar o Grao de Arquitectura na ETSAC e no primeiro curso descubro o amor polo debuxo urbano in situ. De xeito paralelo chega a Galicia o movemento Urban Sketchers, do que formo parte activa dende entón. Debuxo a cidade dende a cidade, o que vexo, e exploro xeitos distintos de expresalo a través de distintas técnicas e materiais.
En 2018 regreso como Máster en Arquitectura e entro a traballar na empresa Galopín Playgrounds, onde continúo dende entón. Traballo no deseño dende cero de proxectos especiais de áreas de xogo para todo o mundo. Parte do meu traballo tamén consiste en traballar a identidade de marca a través do deseño gráfico.
Ao longo dos anos formei parte activa en distintas actividades relacionadas co debuxo e o cuadernismo: talleres, viaxes e quedadas onde compartimos e medramos na nosa afección por esta arte. A testemuña: moreas de cadernos que contan historias e que son os meus particulares albumes de lembranzas.