Obradoiro de 12 horas
Venres de 17:00 a 19:00 h
Obradoiro de danzas urbanas (hip hop, popping, locking, dancehall e freestyle). Traballaremos cada técnica, partindo do traballo das bases e da contextualización e estética de cada estilo e aplicarémolo á coreografía e improvisación.
Identificación e interiorización das diferentes danzas urbanas a impartir (hip hop, popping, locking, dancehall e freestyle), así como a súa técnica, estética e aplicación, tanto para a improvisación como a nivel coreográfico. Serán clases amenas onde chegaremos a un coñecemento global de varios dos estilos da danza urbana, tendo o hip hop como referencia.
Podes atopar máis información na páxina de
✴︎ Docentes
Jacqueline Raimúndez e Alba Fernández
Jacqueline Reimúndez e Alba Fernández son bailarinas, creadoras e mestras de danza urbana e contemporánea. Ambas destacan pola súa multidisciplinariedade e toda unha vida artística dedicada á docencia. Jacqueline dende 2020 e Alba dende 2006, son parte de diferentes compañías como creadoras e intérpretes. Poñemos a nosa experiencia en favor do proxecto, que será colaborativo, e á vez unha experiencia de aprendizaxe para todas as persoas participantes.