45 horas
Martes de 18:30 a 20:30 horas
Obxectivos e contidos da Aula
Laboratorio e montaxe dunha peza escénica titulada “Luditas & misteiras & cigarreiras”, unha peza escénica performativa e experimental baseada na folga das cigarreiras contra as máquinas no ano 1857, co gallo do 170.º aniversario.
Obxectivos da aula:
Formación da actriz en adestramento actoral, teoría teatral, estética e unha achega a novas linguaxes híbridas.
Contidos da aula:
- O desexo, o inconsciente e a tensión na creación das personaxes.
- Creación con materiais: o obxecto como metáfora.
- O tempo e o ritmo como aliado na creación escénica.
- O poema como texto teatral.
- Preparación da montaxe escénica.
Selección do elenco
Datas das probas de selección: 06/10/2026
Horario: de 19:00 a 21:00 h
A inscrición dará acceso ao proceso de selección para as novas incorporacións á Aula de Teatro. Unha vez seleccionada a persoa e superada a proba, enviaráselle un correo electrónico coa ligazón para formalizar a matrícula.
Seleccionaranse un máximo de 25 persoas para formar parte do proceso de creación colectiva dunha nova peza escénica.
A proposta está aberta a persoas con ganas de experimentar, aprender e descubrir novas formas de expresión a través do corpo e da escena. Búscase reunir unha diversidade de perfís, experiencias e intereses, nun proceso creativo compartido no que todas as persoas participantes poidan achegar a súa mirada e contribuír á creación da peza.
Se estás interesado en participar na audición, por favor, enche o seguinte formulario
fotografía: @byn_imagen_corporativa.
Espectáculo: Encrobas 77: a precuela.
Aula de Teatro da UDC 2025-26
✴︎ Docente
Helena Salgueiro
Helena Salgueiro é directora escénica, poeta e performer. Formada en estadías co Instituto Grotowksi, co Odin Teatret, o Traverse Theatre, a Universidade de Edimburgo e a Universidade de Santiago de Compostela. Os seus traballos escénicos amosáronse internacionalmente en festivais e espazos como o Centro Nacional de Danza Dance Base de Escocia (“Nortear”), o Festival Contradança de Portugal (“Ferro, Federici”) e coproducidos polo Centro Dramático Galego (“Come and Go”). Autora dos poemarios Intermitencia da cidade (2013), As Flores (2016), SORA (2025), Amor Palimpsesta (2026) e da obra de teatro Todas as Illas son unha illa (2021). Dirixe a compañía Columna Balteira.